Mohan Ke Ati Nayn Nukile मोहन के अति नैन नुकीले

Lyrics by Ma Lalit Kisori

मोहन के अति नैन नुकीले
निकसे जात पार हियरा के
निरपट निपट रसीले ।।

न जानो भेदन अनियत की
तीन लोक ते न्यारी ।।
ज्यों ज्यों छिड़त मिठास हिये में
सुख लागत सुकुमारी ।।

जब सो जमुना कूलबिलोक्यो
सब निसि नींद न आवै ।।
उठत मरोर बंक चितवनिया
उर उत्पात मचावै ।।

'ललितकिसोरी' आज मिलाई जहवाँ कुलकानी बिचारौं
आग लगै यह लाज निगोड़ी दृग भरी श्याम निहारौं ।।

~. English .~

Mohan Ke Ati Nayn Nukeele
Nikase Jaat Paar Hiyara Ke
Nirpat Nipat Raseele

Na Jaano Bhedan Aniyat Ki
Teen Lok Te Nyari
Jyo Jyo Chhidat Mithas Hiye Mein
Sukh Laagat Sukumaari

Jab So Jamuna Kool bilokyo
Sab Nisi Neend Na Aave
Uthat Maror Bank Chitwaniya
Ur Utpaat Machave

'Lalitkisori' Aaj Milai Jahvan Kulkani Bicharo

Aag Lage Yah Laaj Nigodi Dhrig Bhari Shyam Niharo