लटकी लटकी चलत मोहन आवै ।
भावे मन, अधर मुरली मधुर सुर बजावै ।।
श्रवण कुंडल चपल डोलनि, मोर मुकुट चन्द्रकलनि,
मंद हँसनि जियकी फँसनी, मोहनी मूरत राजै ।।
भृकुटी कुटिल, कमल नैन, अधर अरुण, मधुर बैन,
गति गयंद, चारु तिलक भाल पर विराजै ।।
'लछनदास' श्यामरूप, नखशिख शोभा अनूप,
रसिकभूप बदन निरखि कोटि मदन लाजै ।।
~. English .~
Latki Latki Chalat Mohan Aawe
Bhave Man Adhar Murli Madhur Sur Bajawe
Shravan Kundal Chapal Dolini, Mor Mukut ChandraKalani
Mand Hasini Jiyeki Fasni, Mohni Murat Raaje
Bhrikuti Kutil, Kamal Nayn, Adhar Arun, Madhur Bayn,
Gati Gayand, Chaaru Tilak Bhaal Par Virajai
'Lachandas' Shyamrup, Nakhshikh Shobha Anup
Rasikbhup Badan Nirakhi Koti Madan Laajay